പോപുലര്‍ ഫ്രണ്ടിനെ നിരോധിക്കാന്‍ ഹൈക്കോടതിയില്‍ ഹരജി

കൊച്ചി: പോപുലര്‍ ഫ്രണ്ടിനെയും സോഷ്യല്‍ ഡേമാക്രാറ്റിക്‌ പാര്‍ട്ടി ഓഫ്‌ ഇന്ത്യയെയും നിരോധിക്കണമെന്നാവശ്യപ്പെട്ട്‌ ഹൈക്കോടതിയില്‍ റിട്ട്‌ ഹരജി. തൊടുപുഴയില്‍ അധ്യാപകന്റെ കൈ വെട്ടിമാറ്റിയ സംഭവവുമായി ബന്ധപ്പെട്ട്‌ പോലിസ്‌ നടത്തിയ തിരച്ചിലില്‍ പോപുലര്‍ ഫ്രണ്ടിന്റെയും എസ്‌.ഡി.പി.ഐയുടെയും പങ്കാളിത്തം വെളിപ്പെട്ടിരിക്കുന്നതിനാല്‍ സംഘടനയെ നിരോധിക്കണമെന്നാണ്‌ കളമശ്ശേരി സ്വദേശി ജി ഗിരീഷ്‌ ബാബു നല്‍കിയ ഹരജിയില്‍ ആവശ്യപ്പെടുന്നത്‌.
സംഘടനയുടെ പ്രവര്‍ത്തനരീതി, സാമ്പത്തിക ഉറവിടം, ആശയങ്ങള്‍ എന്നിവയെക്കുറിച്ച്‌ സമഗ്രമായ അന്വേഷണം നടത്തണം. അഡ്വ. കെ പി രാമചന്ദ്രന്‍ വഴി നല്‍കിയ ഹരജി അടുത്ത ദിവസം ഹൈക്കോടതി പരിഗണിക്കും.