Wednesday, January 11th, 2012
തിരുവനന്തപുരം: പോപുലര്ഫ്രണ്ട് ഓഫ് ഇന്ത്യാ മണക്കാട് ഏരിയാകമ്മിറ്റിയുടെ ആഭിമുഖ്യത്തില് കരിമഠത്ത് ദുരിതബാധിതരായ കുടുംബങ്ങളിലെ കുട്ടികള്ക്കു നോട്ടുബുക്ക് വിതരണം ചെയ്തു. ഒന്നാംക്ലാസ് മുതല് ബിരുദതലം വരെയുള്ള 350 വിദ്യാര്ഥികള്ക്കാണ് നോട്ടുബുക്കുകള് നല്കിയത്. കഴിഞ്ഞദിവസങ്ങളിലുണ്ടായ മഴയില് വെള്ളത്തില് മുങ്ങിയ കരിമഠം നിവാസികള്ക്കുവേണ്ടി സൗജന്യ മെഡിക്കല് ക്യാംപും പോപുലര്ഫ്രണ്ട് സംഘടിപ്പിച്ചിരുന്നു. പോപുലര്ഫ്രണ്ട് ഓഫ് ഇന്ത്യാ ഏരിയാപ്രസിഡന്റ് മണക്കാട് ഹാഷിം ഉദ്ഘാടനം നിര്വഹിച്ചു. അന്സാരി മണക്കാട് മുഖ്യപ്രഭാഷണം നടത്തി. യാസീന് അട്ടക്കുളങ്ങര അധ്യക്ഷത വഹിച്ചു.
