ಉಳ್ಳಾಲದಲ್ಲಿ ಶಾಂತಿ ಕದಡುವ ಯತ್ನ: ಎಸ್‌ಡಿಪಿಐ ಖಂಡನೆ

ಇತ್ತೀಚೆಗೆ ಜಿಲ್ಲೆಯ ಹಲವೆಡೆ ಅಹಿತಕರ ಘಟನೆಗಳು ನಡೆಯುತ್ತಿದ್ದರೂ ಉಳ್ಳಾಲದಲ್ಲಿ ಪರಿಸ್ಥಿತಿಯು ಶಾಂತವಾಗಿತ್ತು. ಆದರೆ ಇಲ್ಲಿನ ಶಾಂತಿಯನ್ನು ಕದಡುವ ನಿಟ್ಟಿನಲ್ಲಿ 31-01-2012ರಂದು ರಾತ್ರಿ ದುಷ್ಕರ್ಮಿಗಳು ಉಳ್ಳಾಲದಲ್ಲಿ ಮೂರು ಅಂಗಡಿಗಳನ್ನು ಬೆಂಕಿಗಾಹುತಿ ಮಾಡಿದ್ದು, ಸೋಶಿಯಲ್ ಡೆಮಾಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ, ಉಳ್ಳಾಲ ವಿಧಾನ ಸಭಾ ಸಮಿತಿ ಖಂಡಿಸುತ್ತದೆ.
ಹಿಂದೆಯೂ ಹಲವಾರು ಬಾರಿ ಇಂತಹ ಘಟನೆಗಳು ನಡೆದಿದ್ದರೂ ಪೊಲೀಸ್ ಇಲಾಖೆ ಈ ಬಗ್ಗೆ ಮೌನ ವಹಿಸಿದೆ. ಈಗಾಗಲೇ ಉಪ್ಪಿನಂಗಡಿ, ಸುಳ್ಯ ಹಾಗೂ ಜಿಲ್ಲೆಯ ಹಲವೆಡೆ ಕೋಮು ಸೌಹಾರ್ದಕ್ಕೆ ಧಕ್ಕೆ ತರಲು ಹಿಂದುತ್ವ ಸಂಘಟನೆಗಳು ಯತ್ನಿಸಿದ್ದು, ಉಳ್ಳಾಲದ ಘಟನೆಯೂ ಇದರ ಭಾಗವಾಗಿರಬಹುದೆಂಬ ಶಂಕೆಯುಂಟಾಗಿದೆ.
ಉಳ್ಳಾಲದಲ್ಲಿ ಶಾಂತಿ ಕದಡಲು ಪ್ರಯತ್ನಿಸಿದ ದುಷ್ಕರ್ಮಿಗಳನ್ನು ಬಂಧಿಸಿಕಾನೂನು ಕ್ರಮಕ್ಕೊಳಪಡಿಸಬೇಕೆಂದು ಎಸ್‌ಡಿಪಿಐ ಆಗ್ರಹಿಸುತ್ತದೆ.