پاپولرفرنٹ آف انڈیا کرناٹک کی اسٹیٹ جنرل اسمبلی میٹنگ

ضروری اشیاء کی قیمتیں آسمان چھورہی ہیں۔ روزمرہ کی چیزیں جیسے چاول ، راگی، شکر، دال اور ترکاری وغیرہ کی قیمتیں اتنی بڑھ گئی ہیں کہ ایک عام انسان اس کیلئے بہت پریشان ہے۔ بہت تعجب کی بات یہ ہے کہ انتظامیہ عوام کی اس مجبوری کے تعلق سے فکرمند نظر نہیں آرہی ہے۔ مرکزی و ریاستی حکومت کو چاہئے کہ فوراً اس کے تعلق سے متحرک ہواور روزمرہ کی ضروری اشیاء کی قیمتوں کو عوام کے لائق تک لے آئے اور غریب عوام تک ان غذائی اشیاء کو تقسیم کرے۔

آپریشن کنول کے ذریعہ غلط اصولوں کے بندھن سے جڑی ہوئی بی جے پی کرناٹک میں حکومت کررہی ہے۔ یہ عوام دشمن سرکار کے طورپر اپنی ایک تاریخ بناچکی ہے۔ وزیر اعلیٰ نے خود اعتراف کیا ہے کہ چند مائنگ کارروائیاں کنٹرول سے باہر ہیں اور اس غیر قانونی کارروائیں میں مبتلا اشخاص خود ان کی وزارت میں ہیں۔

حال ہی میں چامراج نگر میں جب کسان اپنے مطالبات کو منوانے کیلئے احتجاج کررہے تھے تو پولیس معصوم کسانوں پر لاٹھی چارج کے ذریعہ بہت ظلم ڈھایا اور احتجاجی حق کو چھیننے کی کوشش کی۔ ان کسانوں کو جیل بھیج کر یہ ثابت کردیا ہے کہ یہ بی جے پی سرکار کسان دشمن بھی ہے۔ پی ایف آئی کی اسٹیٹ جنرل اسمبلی مطالبہ کرتی ہے کہ فوراً کسانوں کے مطالبات قبول کرکے اورعدالتی تحقیقات کے ذریعہ اس معاملہ کی تہہ تک پہنچنے کی کوشش کرے۔

پی ایف آئی کی اسٹیٹ جنرل اسمبلی مرکزی حکومت سے مطالبہ کرتی ہے کہ جسٹس ر نگناتھ مشرا کمیشن سے دئے گئے مشوروں کو فوراً عملی جامہ پہنائیں جس میں 10  فیصد ریزرویشن مسلمانوں کو دینے کا مطالبہ کیاگیا ہے جو ہر میدان میں کمزور ہوتے جارہے ہیں۔ پی ایف آئی بی جے پی حکومت کے اس ارادے کی سخت مذمت کرتی ہے کہ ریاست میں گاؤ کشی پر پابندی عائد کی جائے۔ گائے کا گوشت لاکھوں غریب عوام کی غذا ہے۔ اگر اس پر پابندی عائد ہوتی ہے تو عوام کے حق کو چھیننے کے مانند ہے۔ اس سے بڑھ کر فرقہ پرست اصولوں پر بنی یہ بی جے پی سرکار عوام کو پریشان کرنے کیلئے اس پابندی کو ہتھیار کے طورپر استعمال کرنے اور مسلمانوں ، دلتوں وعیسائیوں کے علاوہ انڈسٹریز پر ایک بہت بڑا ظلم ہوگا۔